كيكة بالسميدة والتمر

مقادير

3 بيضات
كاس عنبة سنيدة
كاس عنية مخلط زيت و زبدة مدوبة (ربع الكاس زيت و الباقي زبدة)
2/1 كيلو الثمر مبخر و مطحون مع شوية القرفة و ماء الزهر
100 غرام غبرة اللوز
2 كيسان سميدة رقيقة
3 خمارات

  للتزيين : دانيت كراميل+معلقة كبيرة زبدة+50غرام شكلاط+2 معالق كبار حليب

طريقة

كنخلطو بالطراب الكهربائي البيض و السنيدة و قريصة الملح

كنضيفو الثمر

ثم الزبدة

و في الاخير اللوز و السميدة و الخميرة
ممكن نضيف الكركاع مقطع
نكبو الخليط في المول و نسرحوه بمعلقة حتا نقادوه مزيان
و ندخلوها طيب بحال أي كيكة تكون درجة الحرارة الفرن منخفضة

هاهي منين طابت ممكن تسقيها بالسيرو منسم بماء الزهر كتجي معلكة

بالنسبة للتزيين تيبقى على حساب الذوق
انا خديت 50 غ شكلاط أبيض
دوبتو مع معلقة كبيرة الزبدة و 2 معالق كبار حليب
حتا داب الشكلاط و ضفت دانيت بالكراميل خليتو حتا برد شوية ماشي يبرد تاني بزاف
ايلا عندكم الشكلاط الاسود استعملو دانيت بالشكلاط
وزوقت باللوز ايفيلي و رشيت السكر كلاصي

و بالصحة و الراحة

Join Us On FaceBook : 7alawiyat2015