كرواصة بالكريم باتيسيير والليمون

المقادير و الطريقة فنفس الوقت

فمولينكس كنديرو 2 كيسان ماء دافئ

نصف كاس سنيدة

02 م. ك. خميرة الخبز

01 خمارة حمراء

قرصة ملح

01 فاني

02 كأسين دقيق الفرص مغربل

كنخلطو كلشي مزيان ونخليوه يرتاح لمدة 10 دقائق

من بعد كنصبو الخليط فقصرية ونضيفوا ليه نصف كأس من زيت المائدة ودقيق الفرص شوي بشوي حتى تجمع العجينة وتكون مرخوفة عاد نزيدو ليها طريف ديال الزبدة (كيما فالصورة) ندخلوه شوية بشوية وحنى كندلكو لعجية، نقسموها على جوج ونخليوها ترتاح لمدة 15 دقيقة.

كنطلقوها بالدلاك ونقطعوها بالموس ونحطو لكريم باتسيير اللي سبق لينا حضرناها بالطريقة التالية ( فكسرونا وفوق نار مهيلة كنديروا كأس كبير من عصير الليمون + 02 م.ك كريم باتسيير غبرة + 03 م.ك سنيدة + قليل من روح الليمون إلا ماكانش بلاش، كنحركو الخليط حتى يعقاد ونصبوه في مول سيليكون وندخلوه لمجمد)

كنلويو كرواصة ونستفوها فطاوة مدهونة بالزيت ونخليوها تخمر ملي يتضاعف الحجم ديالها ندهنوها بصفار بيضة مع شوية ديال الخل وندخلوها الفرن.

كتجي رطبة وخفيفة بالصحة والراحة

 

Join Us : 7alawiyat2015